1- الشيطان استاذ الرجل وتلميذ المرأه ( على اساس ان احنا في مدرسه هنا)
2- ثق بأمرأتك ما دام امك تراقبها ( احنا في مخابرات هنا)
3-المرأه في الربيع عذراء وفي الصيف ام وفي الخريف ارمله وفي الشتاء زوجه ( ليه هو كل فصل بغزاله)
4-المرأه الجميله تحتاج إلة ثلاثه رجال واحد يدفع ديونها وواحد تحبه وواحد يضربها (طيب احكمو انتو بقى الافترى من مين ؟ بقى واحد مخصوص علشان يضربها )
5- يختبر الذهب بالنار وتختبر المرأه بالذهب(طيب روحو للسايغ هو هيفيدكو اكتر)
6 - لم تنهى المرأه عن شءإلى وفعلته( كيب عنها خبره وبتفيدنا بيها انتو زعلانين ليه الله)
7-اثنان في خطر النساء والزجاج ( على اساس اننا دخلنا في حرب مع اسرائيل يعني ولا ايه)
8-ما اشق على المرأه من ان تكتم سرا( فعلا انا شفت في مقال ان المرأه لا تستطيع ان تكتم سر اكثر من 47 ساعه وبعد ذلك تبيح به الى اقرب الناس اليها بس ده تلقيق تهم)
9-المرأه كالحربايه تتلون كيفما تشأء( طيب تجنب شري بقى بدل ما تلاقيني اتلونت باللون الاحمر)
10-اكفي القدره على فمها تطلع البنت للأمها( مش فاهمه ايه دخل القدره)
11- ابتك على ما تربيه وجوزك على ما تعوديه ( يعني تعودي ابنك انو يغسل ايدو ووشو كل شويه وتربي جوزك بالضرب بالحزام ايه ايه اقصد تعودي جوزك انو يقولك ازيك يا حببتي وحشاني موووووت وتربي ابنك على انو يقول لجوزك ايه انت هتعاكسها قدامي كمان)
12-ان كام الرجل بحر تكون المرأه جسر(آه ده الي جمب الكورنيش مش كدا ولا يكون مكان تاني)
13-الي متعرفش ترقص تقول الارض عوجه(آه يعني انا بقى اقول الارض عوجه)
14- لبس البوصه تبقى عرسو(يا عم بوصه مين وعروسه مين انا لو حطيط عقلي بعقلك وبما ان العين بالعين والسن بالسن والجروح قصاص يبقى لبس الجبوع يبقى عريس)
15- المرأه في الشارع عروسه وفي البيت جموعه( وانت اساسا تروحلها البيت ليه يا غبي خليك في الشارع على الله تهوب نحيه البيت تاني مش ناقصين فضايح)
16- زي القطط يا كلو وينكرو(هههههههههه انا عندي استعداد ارمي اكلي للقطه واقول اني انا الي اكلتو هههههههه)
17- المرأه شعر طويل وعقل قصير( وانت اساسا ايهالي وراك شعرها طويل ولا قصير ولا عقلها حجمو ايه وهي محجبه اساسا يا قليل الادب)
18- لا سلاح للمرأه إلا لسانها(على الاقل بتلاقي اسلحه من العدم مش زيكو في ايدكو البنادق ومش عرفين استخدامعا ازاي)
19- المرأه القبيحه مرض للمعده والمرأه الجميله وجع للرس(يعني مش عاجبك العجب ولا الصيام في رجب طيب نرضيك ازاي يعني بس ولا تزعل هتصلك بالمستشفى وعلى ريدي كمان شايف انا كريمه ازاي)
20- النساء زي الجسور دائما تحتاج لترميم(طيب اتصل بشركه المقاولات ترمم الاتنين يا خفه)
21- آخر ما يموت في الرجل قلبه وآخر ما يموت في المرأه لسانها( طيب اتصل بالحانوتي والمردي على حسابك انت مش هتستكردني صحيح زي القطط تاكل وتنكر يلا بسرعه خليه يدفن الجثث دي اقصد الاعضء دي)
22- انت لن تجد اباً واما آخرين ولكن ستخد زوجات آخرين كمان تشاء( آه ده على اساس انهم بيتباعو في سوق النساء ولو ملقتهمش هناك هتلاقيهم في السوبر مركت الي جمبو)
23-الزوج قانون زوجته(يااااااااااااه هو الزوج هو الي بيحط القانون والدستور ده انا كنت فكراه القاضي يلا بقى مش مهم كل واحد علة حسب علمو
24- لا تكف المرأه عن الكلام إلا لتبكي(نشاط يا خويا نشاط انا مش فاهمه انت زعلان من ايه ولا انت عايزها تتشل يعني من قله الحركه يعني)
25- من الصعب ان تجد بطيخه طيبه او امرأه طيبه ( لأ هتلاقيهم عند الفكهاني يا بقال)
في الاخر خالص انا عايزه اقولكم ان ده هزار ومحدش يزعل من اي حاجه لأن كل قصدي ضحك وفرفشه مش اكتر ومتبخلوش بتعليقاتكم
الموقع
